бужур

от 1. Ажин босган, бужмайган, бурушиқ.

Темиртош ҳар вақт кўзини юмганда юзлари бужур отасининг чўкич ураётгани кўринарди. — М. Осим, Ўтрор

2. Бужмайган, бурушиқ юзли одам.

Бужур, кафтини фонус қилиб, ичкарига туш-ди. — Н. Аминов, Ёлғончи фаришталар

— Соли бужур ҳам бир ярим ошар ёʻқолиб кетиб, Самад акамдан қаноатланарли бир хабар келтира олмади, — деди — Пўлат. Ғайратий, Ёшлигимсиз

3. Сирти, кўриниши ғадир-будур, ўйдим-чуқур.

Мирвали ухламаётган экан, бужур тутга тирмалашиб, томга чиқди. — С. Аҳмад, Жимжитлик

Вафо аттор ўрнидан енгил туриб, бужур, тирналган маҳси билан шипиллаб, даҳлизга чиқди. — Н. Аминов, Қаҳқаҳа