bugun

бугун

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

bugun

ot 1. Soʻz borayotgan paytda kechirilayotgan yoki kechirilgan kun, kecha-kunduz.

Men senga munosib emasligimni bugun bildim. S. Ahmad, Ufq. Azizxonning buguniga, ertasiga Lutfiniso juda-juda zarur edi. — S. Ahmad, Ufq

Oʻtgan kuni ham, kecha ham, bugun ham shunday qilmoqchi boʻldi-yu, bari bir koʻngli chopmadi. — A. Obidjon, Akang qaragʻay Gulmat

2. ot vzf. Hozirgi payt, hozirgi kun.

Bugunimiz juda yaxshi, ertamiz bundan ham yaxshi boʻladi. Bugunni oʻylama, ertani oʻyla. — Maqol

Bugun emas, erta yoki bugun boʻlmasa, erta(ga) Yaqin fursatda, tez orada, hademay. Mana shularni [dushman tayyorgarligini] nazarga olganda, bugun boʻlmasa, ertaga juda dahshatli jang boshlanishi muqarrar edi. — A. Qahhor, Oltin yulduz