bugʻlanmoq
буғланмоқbugʻlanmoq I
fl. Bugʻlamoq feʼlining majhul nisbati.
Sigirlarga ovqat berishdan ilgari yem-xashak maydalanadi va bugʻlanadi. — Zoologiya
bugʻlanmoq II
fl. 1. 1 Bugʻ chiqarmoq.
Talabalar bugʻlanib turgan nonni birpasda yeb bitirishdi. — Oybek, Navoiy
Bahor hididan besaranjom boʻlgan qargʻalar bugʻlanib turgan dalalar ustida u yoqdan-bu yoqqa uchardi. — A. Qahhor, Qoʻshchinor chiroqlari
Qatl etilganlarning issiq qoni maydonning toshlariga sachrab, sovuqda hovur chiqarib bugʻlanar edi. — P. Qodirov, Yulduzli tunlar
2. Bugʻga aylanmoq.
Orol dengizi sathidan har yili 60 kub kilometrga yaqin suv bugʻlanadi. — Fan va turmush
3. Bugʻ bilan qoplanmoq, bugʻga toʻlmoq, bugʻ bosmoq.
Oyna bugʻlanib qoldi. Uy bugʻlanib ketdi.
Bugʻlanib ketgan deraza ortida qamish tomdan sizib tushayotgan tomchilar koʻrinib qolardi. — Oʻ. Hoshimov, Qalbingga quloq sol