БУДИНАЖ
русчаБУДИНАЖ
Будинаж — кам пластикликка эга бўлган тоғ жинсларининг ва пластик қатлар оралиғида жойлашган дайка ва ертомирларнинг будинажларга — бир-биридан ажралган линза ва блокларга ажралиши. Б. қаттиқ қатларнинг ишқаланиш кучлари таъсирида чўзилиш маҳсули бўлиб — улар ўраб турувчи пластик қатлардан тушадиган босим остида эзгиланишидан ҳосил бўлади. B.larning изчил ривожланиш босқичлари ва жинсларнинг пластик деформацияланиш даражаларига кўра бир неча турлари ажратилади.
- Эмбрионал Б. қаттиқ қатламлар ёриқлар билан бўлинмаган бўлиб, фақат кичик дарзликлар билан шикастланади, шу сабабли улар бир-биридан ажралмайди.
- Блокли Б. будинаж ўткир бурчакли шаклда тузилган бўлиб, айрим блоклардан иборат.
- Муътадил Б. будинаж бочкасимон шаклда бўлиб бир-биридан узоқ масофада жойлашган бўлади.
- Линзасимон Б. линзасимон кўринишда бўлиб, бир-биридан жуда узоқда жойлашади.