БУДИНАЖ
ruschaБУДИНАЖ
Budinaj — kam plastiklikka ega boʻlgan togʻ jinslarining va plastik qatlar oraligʻida joylashgan dayka va yertomirlarning budinajlarga — bir-biridan ajralgan linza va bloklarga ajralishi. B. qattiq qatlarning ishqalanish kuchlari taʼsirida choʻzilish mahsuli boʻlib — ular oʻrab turuvchi plastik qatlardan tushadigan bosim ostida ezgilanishidan hosil boʻladi. B.larning izchil rivojlanish bosqichlari va jinslarning plastik deformatsiyalanish darajalariga koʻra bir necha turlari ajratiladi.
- Embrional B. qattiq qatlamlar yoriqlar bilan boʻlinmagan boʻlib, faqat kichik darzliklar bilan shikastlanadi, shu sababli ular bir-biridan ajralmaydi.
- Blokli B. budinaj oʻtkir burchakli shaklda tuzilgan boʻlib, ayrim bloklardan iborat.
- Muʼtadil B. budinaj bochkasimon shaklda boʻlib bir-biridan uzoq masofada joylashgan boʻladi.
- Linzasimon B. linzasimon koʻrinishda boʻlib, bir-biridan juda uzoqda joylashadi.