{"headword": "БРОДМАНА ПОЛЯ", "key": "brodmana polya", "entries": [{"dictionary": {"name": "Psixologiya terminlarining izohli lugʻati", "title": "РУСЧА-ЎЗБЕКЧА ПСИХОЛОГИЯ ТЕРМИНЛАРИНИНГ ИЗОҲЛИ ЛУҒАТИ", "kind": "Terminologik", "imprint": "Турғунов, Қ. (1975). РУСЧА-ЎЗБЕКЧА ПСИХОЛОГИЯ ТЕРМИНЛАРИНИНГ ИЗОҲЛИ ЛУҒАТИ. Tashkent: Ўқитувчи» нашриёти.", "url": "https://til.uz/lugatlar/ruscha-ozbekcha-psixologiya-terminlarining-izohli-lugati/", "page": "28"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "Brodman maydonlari; inson bosh miyasi qobigʻining hujayra qatlamlari jihatidan har xil tuzilgan uchastkalari; oʻtgan asrning 90-yillari oxirlarida ham bosh miya qobigʻi, oʻz tuzilishiga koʻra, bir xildir degan qatʼiy fikr mavjud edi. Nemis psixiatri Brodman gistologik kesishlarning yangi texnikasi va mikrofotografik texnikasining joriy qilinishi tufayli, miya qobigʻi har xil qatlamlardan tuzilganligini va bularning morfologik differensiyalashuvi, hatto, ona qornidagi hayotning 6—7 oylaridayoq boshlanishini isbotlashga muvaffaq boʻldi. Brodman sut emizuvchi hayvonlarning miya qobigʻini tekshirib, ularning hammasining ham miyasi turli qatlamlardan tuzilganligini isbotladi. Brodman hujayra tuzilishining xususiyatlariga asoslanib, butun miya qobigʻini 52 maydonchaga boʻlib, miyaning xaritasini tuzib chiqdi. Uning fikricha, miya qobigʻining har bir maydoni qolgan maydonlardan gistologik jihatidan ham, fiziologik jihatidan ham farq qiladi; inson psixik protsesslari esa bir qancha maydonlarning birgalikdagi faoliyati natijasida roʻy beradi.", "examples": []}], "translations": [], "cross_references": [], "extra": {"raw_word": "БРОДМАНА ПОЛЯ", "raw_meaning": "— Бродман майдонлари; инсон бош мияси қобиғининг ҳужайра қатламлари жиҳатидан ҳар хил тузилган участкалари; ўтган асрнинг 90-йиллари охирларида ҳам бош мия қобиғи, ўз тузилишига кўра, бир хилдир деган қатъий фикр мавжуд эди. Немис психиатри Бродман гистологик кесишларнинг янги техникаси ва микрофотографик техникасининг жорий қилиниши туфайли, мия қобиғи ҳар хил қатламлардан тузилганлигини ва буларнинг морфологик дифференциялашуви, ҳатто, она қорнидаги ҳаётнинг 6—7 ойларидаёқ бошланишини исботлашга муваффақ бўлди. Бродман сут эмизувчи ҳайвонларнинг мия қобиғини текшириб, уларнинг ҳаммасининг ҳам мияси турли қатламлардан тузилганлигини исботлади. Бродман ҳужайра тузилишининг хусусиятларига асосланиб, бутун мия қобиғини 52 майдончага бўлиб, миянинг харитасини тузиб чиқди. Унинг фикрича, мия қобиғининг ҳар бир майдони қолган майдонлардан гистологик жиҳатидан ҳам, физиологик жиҳатидан ҳам фарқ қилади; инсон психик процесслари эса бир қанча майдонларнинг биргаликдаги фаолияти натижасида рўй беради."}}]}