бригада

от 1. Бир неча полк, баталон ёки дивизиондан ва махсус қўшинлар бўлинмаларидан, денгиз флотида эса бир неча турдаги ҳарбий кемалардан иборат ҳарбий-тактик қўшилма.

Танкчилар бригадаси. Бригада қўмондони.

Бригаданинг жангчилари кўтаринки руҳ билан ҳужумга ўтди. — Т. Рустамов, Мангу жасорат

2. Меҳнатнинг муайян бир турини биргаликда бажариш учун тузилган ва иш натижаси учун умумий жавобгар бўлган жамоа, меҳнатчилар гуруҳи.

Пахтачилик бригадаси. Оилавий бригада. Бинокорлик бригадаси.

Тўқайда ишлагани хилланган одамлардан махсус бригадалар тузилди ва бу бригадаларнинг ҳар бирига биттадан гусеницами трактор берилди. — А. Қаҳҳор, Қўшчинор чироқлари

Раиснинг машинаси сабзавотчилик бригадаси томон бурилиб кетди. — С. Нуров, Майсаларни аёз урмайди

3. с. т. Бригада бошлиғи; бригадир.

Кимсаной бўлганда, ҳозир бригада бўлар эди. Ғайратли, ориятли жувон эди. — А. Қаҳҳор, Қўшчинор чироқлари

н brigade, team