bozillamoq

fl. 1. Boz-boz, viz-viz ovoz chiqarmoq, vizillamoq.

2. koʻchma Juda ham qizimoq, isimoq.

Bozillagan tancha joniga orom berdi. — Mirmuhsin, Umid

Pechkaga olov yoqdi. Xona ichi birpasda bozillab, isib ketdi. — M. Muhiddinov, Inson madhi

Saraton chillasining har bir kuni tandirdan yangi uzilgan nondek bozillaydi. — Saodat

3. koʻchma Qizimoq, lovullamoq; gʻazablanmoq.

kunlar oʻtgan sari yuragi bozillaydi, nahotki endi ular bilan qaytib koʻrishmasam, degan gumondan vujudi larzaga tushdi. — S. Siyoyev, Avaz

Avazning sal burun aytgan gustoxona soʻzlari shayxning yumshoq dilini bozillatib turardi. — S. Siyoyev, Avaz