boyvachcha

sft. 1. Boyning bolasi, farzandi.

Tanidi: Mirzakomilboyning oʻgʻli Mirobid boyvachcha. — T. Ashurov, Oq ot

Ogʻzi qiyshiq boʻlsa ham, boy gapirsin-u, boyvachcha gapirsin. — A. Qodiriy, Kichik asarlar

Boy oʻgʻli — boyvachcha, Oyogʻida — noʻgʻaycha. — Boychechak

2. Boylarning bolalariga murojaatda yoki ular haqida gap borganda, ularning nomi oʻrnida yoki nomiga qoʻshib ishlatiladi.

Yangi kasb qulluq boʻlsin, boyvachcha! — A. Qahhor, Qoʻshchinor chiroqlari

Sizni tanimadi chogʻi, boyvachcham, aks holda, salomlashar edi, u juda dilkash yigit. — K. Yashin, Hamza

Sodiqjon boyvachchaning changaliga tushgan qizning kimligini bilgisi keldi. — K. Yashin, Hamza

Qosimjon boyvachchaning itlari, meni taniydi. Mah, Toʻrtkoʻz, mah! — A. Qahhor, Asarlar

3. kest. Oʻzini boy bolasidek tutuvchi.

Yonida bir pul yoʻq, Qiz saylaydi boyvachcha. — Maqol

1. Boyning bolasi.ZENGİN ÇOCUĞU

2. Oʻzini boyning bolasidek tutuvchi olifta.

n barin's son, rich man's son

baydıń balası