ботир

1. Хавф-хатардан, қийинчиликдан қўрқмайдиган, қўрқмас, довюрак, жасур. Оғзи (ёки тили) ботир - ҳеч кимни ва ҳеч нарсани андиша қилмай ва қўрқмай гапираверадиган

Кўз - қўрқоқ, қўл - ботир — Мақол

Мерган овда билинар, ботир ёвда билинар — Мақол

Муса умрида бойга бунчалик тик, ботир боқмаган — Н. Фозилов, Дийдор

Қўрқоқ бўлмай ботир бўлинг, бекларим, Ботир одам ҳар офатдан қолади — "Нурали"

Оғзи ботир одам

Оғзи ботир одамлар ёʻқ дейсизми? Эл оғзига элак тутиб бўлмайди — "Ўзбекистон қўриқлари"

Унинг [Тожининг] жуда оғзи ботир: гап келганда, ҳеч кимни аямасди — Мирмуҳсин, Меъмор

2. Ботир (эркаклар исми)