bosim

босим

1 ta lugʻatda: Izohli yana 8 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

bosim I

ot fiz. Biror jism yuza birligiga tik yoʻnalishda taʼsir qiladigan boshqa kuchni ifodalovchi fizik kattalik.

Qon bosimi. Atmosfera bosimi.

Bir million atmosfera bosimida temir hajmi, taqriban, 30 foizga kamayadi. — Fan va turmush

Jahl chiqqanda, bosh miya mushaklarining tanobi tortiladi, qon tomirlari siqiladi, ichki qon bosimi oshib ketadi. — Saodat

bosim II

ot Tin olmay, toʻxtamay, surunkasiga.

Jamila qizi bilan olti kun bosim oʻtirib tikkan tagdoʻzi doʻppilarini sotgani ketdi. — M. Ismoiliy, Fargʻona tong otguncha

Rixsivoy aka hosilotlik vazifasidan olingach, uch kun bosim qishloqda koʻrinmadi. — R. Fayziy, Choʻlga bahor keldi

Uch kundan beri bosim chap koʻzim uchar edi. — S. Ahmad, Qadrdon dalalar

odamning suluvi bosim keladi. — Balogardon

bosim III

ot esk. ayn. Urgʻu.

Kitobni esa, ruscha tez va bosimlarini joyiga qoʻyib oʻqiy bilgani uchun, Saidiy oʻqishi kerak edi. — A. Qahhor, Sarob

Bundan tashqari, baʼzan soʻzdagi bosimning oʻrni atayin almashtirilib — Adabiyot nazariyasi