boshqacha
бошқачаboshqacha
sft. Boshqalardan biror jihatdan yoki butunlay farq qiladigan; oʻzgacha, boshqa, boʻlakcha.
Agar gap shunday ekan, siz bilan boshqacha gapirishamiz. — S. Zunnunova, Yangi direktor
Bir onadan alvon xil bola tugʻiladi deganlaridek, Anvarning yaratilishi ogʻalariga nisbatan boshqacha edi. — A. Qodiriy, Mehrobdan chayon
Safarboyning koʻrinishi otasiga oʻxshasa ham, qiliqlari tamom boshqacha edi. — N. Aminov, Qahqaha
Sen bilmaysan-da, Asrora, Dildor choʻlga kelib, boshqacha boʻlib qolgan. — S. Ahmad, Ufq
Buning boshqacharoq bir epini topib boʻlmasmikan? — A. Qodiriy, Oʻtgan kunlar
- Boshqacha (qilib) aytganda Boshqa soʻz bilan, ikkinchi turli qilib aytganda; yaʼni. [Otabek] Hatto baʼzi kunlar hujrasidan tashqariga chiqmas, kishilar bilan soʻzlashmas, boshqacha aytganda, kundan-kunga goʻshanishinlikka yaqinlashib borar edi. — A. Qodiriy, Oʻtgan kunlar