бошқача
boshqachaбошқача
сфт. Бошқалардан бирор жиҳатдан ёки бутунлай фарқ қиладиган; ўзгача, бошқа, бўлакча.
Агар гап шундай экан, сиз билан бошқача гапиришамиз. — С. Зуннунова, Янги директор
Бир онадан алвон хил бола туғилади деганларидек, Анварнинг яратилиши оғаларига нисбатан бошқача эди. — А. Қодирий, Меҳробдан чаён
Сафарбойнинг кўриниши отасига ўхшаса ҳам, қилиқлари тамом бошқача эди. — Н. Аминов, Қаҳқаҳа
Сен билмайсан-да, Асрора, Дилдор чўлга келиб, бошқача бўлиб қолган. — С. Аҳмад, Уфқ
Бунинг бошқачароқ бир эпини топиб бўлмасмикан? — А. Қодирий, Ўтган кунлар
- Бошқача (қилиб) айтганда Бошқа сўз билан, иккинчи турли қилиб айтганда; яъни. [Отабек] Ҳатто баъзи кунлар ҳужрасидан ташқарига чиқмас, кишилар билан сўзлашмас, бошқача айтганда, кундан-кунга гўшанишинликка яқинлашиб борар эди. — А. Қодирий, Ўтган кунлар