boshoq

бошоқ

1 ta lugʻatda: Izohli yana 5 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

boshoq I

ot 1. Bugʻdoy, arpa singari oʻsimliklarning poyasi uchidagi don hosil boʻladigan choʻzinchoq toʻpguli hamda don boʻlib yetilgan shunday toʻpgul, bosh.

Boshoq chiqarmoq (tortmoq).

Bir gal yarimta boshoqni sudrab ketayotgan chumolini koʻrganman. — Oʻ. Hoshimov, Ikki eshik orasi

Mehnating singani uchun har boshoq Oyogʻosti boʻlsa, koʻrinar uvol. — Gʻ, Gʻulom

Normatga bu yerda har boshoq tagida bir odam yotganday tuyuldi. — I. Rahim, Chin muhabbat

2. ayn. Mashoq.

Boshoq termoq.

Kolxozning bugʻdoyi yigʻib boʻlingach, boshoq terishga ruxsat berishadi. — Sh. Joʻrayev, Bola dunyoni tebratar

Koʻrsaki, bolalar shamolday yelib Boshoqlar teradi uyqularida. — Sharq yulduzi

boshoq II

ot esk. Kamon oʻqining boshi, uch qismi.

Maqoladagi xato haqida xabar berish