boshdan-oyoq

rvsh. 1. Boshidan to oyogʻigacha.

Yoʻlda keta turib, Botirali Eʼzozxonga boshdan-oyoq razm soldi. — H. Gʻulom, Mashʼal

Dildorga boshdan-oyoq nazar tashlab oldi-da, indamay yurib oʻtib ketdi. — S. Ahmad, Ufq

Ayol zotining boshdan-oyogʻi zarga oʻralgani bilan, oʻzi yomon boʻlsa, kimga keragi bor. — T. Murod, Ot kishnagan oqshom

2. Boshidan to oxirigacha; tugal, batamom; batafsil.

Bashorat voqeani boshdan-oyoq aytib berdi. — A. Muxtor, Opa-singillar

Shoshmang, boshdan-oyoq gapirmasam, ishon-maysiz. — Oybek, Tanlangan asarlar

Saroy mast uyquda, boshdan-oyoq mayin ipak gilamlar toʻshalgan uzun yoʻlak kimsasiz edi. — O. Yoqubov, Koʻhna dunyo

Yerning boshdan-oyogʻiga ekib piyoz, Tepasiga chayla qurib, kutibdir yoz. — Gʻ, Gʻulom

bastan-ayaq