boʻnak

ot 1. tar. Biror ish yuzasidan ish beruvchilarning ish bajaruvchilarga oldindan beradigan qarzi.

—Barakalla! — dedi Abduhalilbek. —Bunisi — boʻnagi, ish bitgach, yana. — J. Sharipov, Xorazm

Yem-xashak yoʻq, bir poy hoʻkiz oriq-turuq, Qaydan boʻnak olish bilmay, hamyon quruq. — Gʻ, Gʻulom

Men ishimga qarab soʻray beraman, siz boʻnak qilib beraverasiz. — M. Ismoiliy, Odamiylik qissasi

2. tar. Ustaning oʻz shogirdiga uning ishlab berishi yoki keyinchalik qaytarishi sharti bilan beradigan qarz puli.

Bechora kosiblar oldinroq olib, yeb qoʻygan boʻnakning evaziga tishlarini tishlariga qoʻyib, har qancha ogʻir gap eshitsalar ham, chidab turib javob qilar edilar. — M. Muhammadjonov, Turmush urinishlari

3. bux. Maosh hisobidan oy oxirida hisob-kitob qilish sharti bilan oldindan beriladigan pul; avans.

Biror ish yuzasidan oldindan beriladigan qarz, avans.AVANS