болта

bolta

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

болта

от 1. Бирор нарсани (ёғочни, гўштни ва шу кабилар) чопиш, кесиш, ёриш учун ишлатиладиган, тиғи дастасига параллел металл асбоб.

Болта тушгунча, кунда дам олар. — Мақол

Минг дарахтнинг бошини бир болта чопар. — Мақол

Ақлли, тўнгакнинг нозик ерини — ёриладиган ерини топиб туриб, болта уради — ақли билан ёради, ўзини қийнамайди. — М. Исмоилий, Фарғона тонг отгунча

Ҳовлида қор устида болта билан ўтин ёраётган йиртиқ-ямоқ тўнли бир йигит Элмуродни имлаб чақирди. — П. Турсун, Ўқитувчи

2. Болта (эркаклар исми).

Оёғига (ёки тагига, илдизига, томирига) болта урмоқ (ёки қўймоқ) Асосини, заминини бўшаштириб, қирқиб, ҳалокатга ёʻлламоқ, путурдан кеткизмоқ. Ўз оёғингизга ўзингиз болта қўйманг, дейман! — А. Қодирий, Ўтган кунларСавдо ходими бўлиб ишлаган вақтида Мажид Қурбоновнинг нафс илдизига болта урилган эди. — Муштумменинг оёғимга болта урган шу бўлади. — МуштумУ зулм илдизига болта урди. — Ойбек, Танланган асарлар