bolta

болта

1 ta lugʻatda: Izohli yana 5 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

bolta

ot 1. Biror narsani (yogʻochni, goʻshtni va shu kabilar) chopish, kesish, yorish uchun ishlatiladigan, tigʻi dastasiga parallel metall asbob.

Bolta tushguncha, kunda dam olar. — Maqol

Ming daraxtning boshini bir bolta chopar. — Maqol

Aqlli, toʻngakning nozik yerini — yoriladigan yerini topib turib, bolta uradi — aqli bilan yoradi, oʻzini qiynamaydi. — M. Ismoiliy, Fargʻona tong otguncha

Hovlida qor ustida bolta bilan oʻtin yorayotgan yirtiq-yamoq toʻnli bir yigit Elmurodni imlab chaqirdi. — P. Tursun, Oʻqituvchi

2. Bolta (erkaklar ismi).

Oyogʻiga (yoki tagiga, ildiziga, tomiriga) bolta urmoq (yoki qoʻymoq) Asosini, zaminini boʻshashtirib, qirqib, halokatga yoʻllamoq, puturdan ketkizmoq. Oʻz oyogʻingizga oʻzingiz bolta qoʻymang, deyman! — A. Qodiriy, Oʻtgan kunlarSavdo xodimi boʻlib ishlagan vaqtida Majid Qurbonovning nafs ildiziga bolta urilgan edi. — Mushtummening oyogʻimga bolta urgan shu boʻladi. — MushtumU zulm ildiziga bolta urdi. — Oybek, Tanlangan asarlar

Maqoladagi xato haqida xabar berish