boʻgʻot
бўғотboʻgʻot
ot 1. Qamish solib yopilgan tomning devordan tashqariga chiqib turgan qismi.
Peshindan beri yogʻayotgan hoʻl qor tom boʻgʻotlarini, ariq boʻylarini oqartirdi. — H. Gʻulom, Mashʼal
Quyoshning issigʻi nam tuproqdan, ivigan boʻgʻotlardan hovur koʻtaradi. — S. Zunnunova, Goʻdak hidi
2. Suv yoʻlining (masalan, ariq yoki ariqchaning) boʻgʻilgan joyi.
Boʻgʻot solmoq. Boʻgʻotni ochib yubormoq. Suvdan burun, boʻgʻot sol. — Maqol
- Boʻgʻot tom Boʻgʻot chiqarilgan, boʻgʻoti bor tom. Bolaxona boʻgʻot tomli, tishdan koʻrimsizgina boʻlsa ham, ichi bejirim — qadimcha edi. — Oybek, Tanlangan asarlar