boʻgʻma
бўғмаboʻgʻma I
sft. Boʻgʻib qoʻyiladigan yoki boʻgʻib, burib qoʻyilgan, burmali.
Boʻgʻma yoqa koʻylak.
Hotamova novcha kishining pochasi boʻgʻma shimini koʻrib ikkilandi, shekilli, nima deyishini bilmay qoldi. — A. Qahhor, Kartina
Hayal oʻtmay, ostonada qosh-koʻzlarini hafsala bilan boʻyagan, olaqargʻa krepdeshindan kalta yengli boʻgʻma koʻylak kiygan Qirmizxon koʻrindi. — N. Aminov, Qahqaha
- Boʻgʻma ilon Oʻljasini tanasi bilan oʻrab, siqib, boʻgʻib oʻldirish xususiyatiga ega, turli kattalikdagi ilonlar oilasi. Boʻgʻma ilon vahshat bilan bir toʻlgʻandi-da, pastga argʻimchoqdek osilib, vishilladi. — Mushtum
boʻgʻma II
sft. tib. Tomoqning yalligʻlanishi va nafas yoʻlining torayishi natijasida nafas olishning qiyinlashuvi, xirillab yoʻtalish bilan kechadigan yuqumli kasallik.
Difteriya boʻgʻmasida difteriyaga qarshi zardob emlanadi. — N. Ismoilov, Kasallarni parvarish qilish
Poliomielit, boʻgʻma va shilliq kabilar kasallik sifatida tugatildi. — Gazetadan