боғбон

от 1. Боғдорчилик мутахассиси.

2. Боғ ва ундаги мевали дарахтларга, ток ва гулларга қаровчи, уларни парваришлов-чи киши.

Боғбон бўлмай, билмас гулнинг қадрини, Ари боқмай, билмас болнинг қадрини. — Мақол

Чўлбобонинг пайвандларини ҳавас қилмайдиган боғбон кам топилади. — Ҳ. Ғулом, Феруза

3. айн. Боғдор 1.

4. кўчма Қўриқловчи, ғамхўр, посбон.

Ўқитувчи бамисоли боғбон, у ёшлик гулшанининг раҳнамоси. — Фан ва турмуш

Бу кўҳна жаҳон боғида боғбон отахонлар — Ҳабибий, Девон

Боғинг аро боғбон бўлиб, Терсам қизил гулларингдан. — Қўшиқлар