битим

от 1. Ўзаро келишув, тўхтам, қарор.

Тўй тантанасини кечқурун куёвникида ўтказишга битим қилинган бўлса-да, қизникида ҳам қариндош-уруғлар, қўни-қўшнилар лиммо-лим эди. — Ойбек, Олтин водийдан шабадалар

Мулла Муҳсин ўз маслакига, яъни фатвосига тескари бўлган бу битимга қарши чурқ этиб оғиз очмайди. — А. Қодирий, Обид кетмон

2. ҳуқ. Тарафлар томонидан расмий равишда тузилувчи, қабул қилинувчи аҳднома, шартнома, контракт.

Битим тузмоқ. Битимга келмоқ.

Жунайд Хива хони билан бўлган битимдан кейин тинч қўймади, кетимиздан одам юборди, қўлига тушсак, ўлдирмоқчи бўлди. — Ж. Шарипов, Хоразм

Тузилган битимга кўра, Абдулатиф Самарқандга юборилди. — Мирмуҳсин, Меъмор

3. ҳуқ. 3 Фуқаролар ва юридик шахсларнинг фуқаролик ҳуқуқ ва бурчларини белгилаш, ўзгартириш ва бекор қилишга қаратилган ҳаракати.

Меҳнат битими. Бир тарафлама битим.