birmuncha

olm. 1. Bir qancha, anchagina.

Birmuncha vaqt.

Elmurod shu koʻyi yana birmuncha yurgach toʻxtadi-da, yoʻl chetidagi bir toshga oʻtirdi. — P. Tursun, Oʻqituvchi

Abdujalil boy tegirmonga yana birmuncha vaqt aylanishadi. — A. Qodiriy, Obid ketmon

Yoz oylari edi. Havo birmuncha salqin. — X. Yodgorov, Hayot toʻlqinlari

2. Bir qadar; maʼlum darajada.

Bemorning ahvoli birmuncha yaxshilandi. — Sharq yulduzi

Elmurod qizga yaqinlashar va uning oldida birmuncha xijolat chekib, koʻpincha gap topolmay, qizarar edi. — P. Tursun, Oʻqituvchi

Publitsistikada konflikt birmuncha oʻziga xos shaklda aks etadi. — Gazetadan