бирин-кетин

рвш. Бирининг кетидан бири, кетма-кет, орқама-орқа; навбат билан.

Камбағаллар бирин-кетин пастга тушишди. — К. Яшин, Ҳамза

Мажлис тугаб, одамлар идорадан бирин-кетин чиқа бошладилар. — П. Турсун, Ўқитувчи

Элмурод орқасига бурилиб, Латифий билан Араббойнинг бирин-кетин келаётганини кўрди-да, ғазабланди. — П. Турсун, Ўқитувчи

Артиллерия душман окопларини, ўт очиш нуқталарини бирин-кетин тор-мор қилмоқда эди. — А. Қаҳҳор, Олтин юлдуз

Олма-ўрик ва шу каби тар мевалар ҳам бирин-кетин пишиб, одамларнинг оғзиларига тегди. — К. Яшин, Ҳамза