биратўласи

1. Узил-кесил ҳолда, бутун борича, ҳеч қолдирмай; бутунлай, тамомила, батамом.

Искандар қолган режаларини ҳам биратўла айтиб қўя қолди. — Ёшлик

Ёмғир ҳамон челаклаб қуяр гўё табиат бутун оламнинг ғуборларини биратўла ювиб ташламоқчидек, ҳеч жаҳлидан тушмас. — М. Мансуров, Ёмби

Хўрозча биратўла кўзларини юмиб олгандан кейин, Ёдгор ердан жўхориларни йиғиб, дўпписига солди. — М. Исмоилий, Фарғона тонг отгунча

2. Бирваракайига, бирдан, бир ёʻла.

— Аввал қиладиган ишларимни қилиб олай, кейин биратўла ювиниб, овқат ейман, — деди Тўла онасига. — М. Исмоилий, Бизнинг роман

Салом кўнгилдагини биратўла тўкиб солди. Ҳожи Аҳмар, Ким ҳақ? Ғуломжон кўча эшикни биратўла тамбалаб кирди. — М. Исмоилий, Фарғона тонг отгунча