биқсимоқ

фл. 1. Ёниб-ёнмасдан, ўчиб-ўчмасдан тутаб турмоқ.

Аёллар болаларини биқсиб ётган гулхан тепасига тўплайдилар. — А. Мухтор, Қорақалпоқ қиссаси

Ўртадаги ўчоқда ҳўл тўнка биқсимоқда. — П. Турсун, Ўқитувчи

Мана бу қора чироғинг ўлгур биқсиб, кўзимни кўр қиладиган бўлди. — Уйғун, Ҳаёт қўшиғи

2. Ачиб-сасиб, яроқсиз ҳолга келмоқ, сасиб кетмоқ.

Қолган-қутгани бўлса, тузлаб қўйинг, биқсиб кетмасин, ўзингизга керак бўлади. — Уйғун, Дўстлар

3. кўчма Бир жойда қимирламай узоқ ётиб, нохуш ҳолга келмоқ, ётавериб зерикиб, диққинафас бўлмоқ.

— Тур болам, ётасанми биқсиб-сасиб, — дейди энаси Шавкатга. — Қ. Кенжа, Тоғ ёʻлида бир оқшом

Димиққан уйда ҳаво кўрмай, тоза биқсиди болам боёқиш, айланиб, овуниб келсин. — Ж. Абдуллахонов, Хонадон

Ўчиб кул бўлгунча, биқсиб ётавераманми? — А. Мухтор, Тонг билан учрашув

4. кўчма Аччиқ-тирсиқ гап қилмоқ, бўлмағур гаплар гапирмоқ.

Жамоатчилик улардан ҳисоб сўрайди чекка-чеккаларда биқсиб юрмай, гапинг бўлса, ҳамманинг олдида очиқ гапир, дейди. — Уйғун, Замон талаби

в 1. be dirty

2. become foul (rotten), rot, (about food) go bad

3. smoke, emit fumes, fume, emit smoke, fill (a place) with smoke