Биогеокимёвий тўсиқ

у ёки бу кимёвий элементлар миқдорининг муайян ландшафтлардаги ўртача миқдорларига (ландшафт кларкига) нисбатан кескин равишда ошган зонаси. Б.т. одатда ўзининг физик (мас. сиздирувчанлик қобилияти), кимёвий (оксидланиш-тикланиш, кислота-ишқорий шароитлари турлилиги) ёки биологик (айрим гуруҳ микроорганизмларининг юксак фаоллиги) хусусиятлари билан фарқланувчи элементлар ландшафтлар, биомоценозлар (фациялар) туташган жойларда ҳосил бўлади.