bijgʻimoq

fl. 1. Mikroorganizmlar yoki ular ajratadigan fermentlar ishtirokida parchalanib achib, qaynay boshlamoq (organik moddalar haqida).

Yozda qimizlari bijgʻib yotadi. — Oybek, Tanlangan asarlar

Qayerdaki bijgʻigan axlat mavjud boʻlsa, uning ustida badxoʻr hasharotlar gʻujgʻon oʻynaydi. — Mushtum

2. Havosi buzilib, sasib ketmoq; ozodalikka rioya qilmay ivirsib oʻtirmoq.

Xudo haqi, uyingdan yalpi vagonning isi keladi. Bijgʻib ketibdi. — A. Qahhor, Sarob

— Paypogʻingiz qursin, bijgʻib ketibdi axtarma opchiqib tashladim, — dedi xotini Orifjonga. — S. Ahmad, Saylanma

— Men bilaman, — dedi domla, — opangiz tabiati juda nozik koʻrinadi. Buning oldida Toʻpaning bijgʻib yotishi yaxshi emas. — A. Qahhor, Sarob

3. koʻchma Achchiq gap, fisq-u fasod qilmoq.

Nimalar deb bijgʻiyapsiz?

4. koʻchma Toʻlib-toshib, gʻuj-gʻuj boʻlib yotmoq; avj olmoq, koʻpaymoq (igʻvo, fitna va shu kabilar haqida).

Bijgʻib borur fitna-yu fasod, Imonlarga, hayhot, tushdi darz. — M. Ali, Boqiy dunyo

Uning [Qoplonbekning] ayyor koʻzi ichida qaynab, bijgʻib yotgan alam va nafratni, baʼzan-baʼzan yuragini fosh qilib qoʻyay der edi. — Shuhrat, Jannat qidirganlar

Achib, qaynay boshlamoq.BOZUK, BOZULMAK

1. bırshıw, ashıw

2. sasıw

3. awıs. gápsóz etiw

4. awıs. háwij alıw, kóbeyiw (gáp-sóz, araǵa sóz salıw haqqında)