bexosdan

1. Kutmagan, xayolga kelmagan vaqtda; kutilmaganda, toʻsatdan, qoʻqqisdan.

Nazokat bexosdan berilgan bu soʻroqqa javob berishga oʻngʻaysizlanib, uzoqda sargʻayib turgan adirlarga tikildi. — S. Ahmad, Qadrdon dalalar

Bexosdan uning qoʻli tegib ketganidan, tikan kirgan yeri lovullab achishdi. — Yoshlik

2. Gʻayriixtiyoriy ravishda.

Ichkarida gap tugab, maʼyus sukunat boshlangach, Elmurod bexosdan qichqirib yuborishdan qoʻrqqanday, qoʻli bilan ogʻzini bosib, yon-veriga alangladi. — P. Tursun, Oʻqituvchi