betakror

sft. 1. Takrorlanmaydigan, qaytib kelmaydigan.

Umr bir berilgay, qaytmas, betakror. — Saodat

Bilaman, Xizr kim va bidʼat nima, Bilaman, yoshlik ham ketdi betakror. — A. Oripov

Bolalik shodlig-u quvonchlarga, orzu-oʻylarga toʻla begʻubor va betakror oʻyinqaroq damlar. — Saodat

2. Tengi yoʻq, noyob, topilmas.

Halima Nosirovaning beqiyos sanʼati, tabiiy va betakror ovozi xalqimiz qalbidan chuqur joy olgan. — Saodat

Oʻlkamiz tarix va madaniyatida koʻhna Toshkentning oʻrni betakror. — Gazetadan

Tibbiyot olimlarini Kosonsoyning betakror tabiati qiziqtiradi. — Saodat