БЕССОЗНАТЕЛЬНОСТЬ

ongsizlik, odamning ongidan tashqari holatini bildiradigan termin boʻlib, idealistik falsafada inson xulqini belgilab beruvchi mistik kuch sifatida talqin qilinadi. O. tushunchasiga burjua psixologiyasidagi psixoanaliz oqimi alohida eʼtibor berib kelgan. Bu oqimga koʻra, O. «ong oldi holati» dan keskin farq qiladi. «Ong oldi holati»ga kuchsiz qoʻzgʻovchilar taʼsirida hosil boʻladigan, biroq qoʻzgʻovchi kuchi sal ortsa, bu qoʻzgʻovchi kuchli anglash mumkin boʻlgan psixik holatlar kiradi; O. ga esa, aksincha, yetarli taʼsirot kuchiga ega boʻlsa-da, odam uchun maqsadga muvofiq boʻlmagan, tormozlangan («siqib chiqarilgan») kechinmalar kiradi. Bu kechinmalar esa O. da aktiv holda qola turib, nevroz holidagi ichki konfliktlarga sababchi boʻladi va, nihoyat, kishining xulqiga taʼsir qiladi.