beshik
бешикbeshik
ot 1. etn. Chaqaloqni belab va tebratib uxlatish uchun tol yoki tut yogʻochidan yasalgan yoʻrgʻa oyoqli maxsus moslama; tebratma belanchak.
Beshikdagi Uchqun uydagi harakatni sezib, ovozlarni eshitib, hadeganda uxlay bermadi. — H. Gʻulom, Mashʼal
Muborakning otasi qishda duradgorlik qilar, eshik, beshik, sumak, sandal, zarang tovoq yasardi. — S. Nurov, Maysalarni ayoz urmaydi
2. koʻchma Biror narsaning, voqea-hodisaning tugʻilgan yeri, makoni, manbai.
Baxt beshigin quchoqlab, bizni ulgʻaytirdingiz. — Gʻ. Gʻulom
Bir qator dor bilan sharmanda boʻldi Fashizm beshigi boʻlgan Nyurnberg. — Gʻ. Gʻulom
Yam-yashil oʻtloqlar million-millionlab qoʻzi, toychoqlarning beshigi boʻlur. — Gʻ. Gʻulom
- Beshik asbob Bolani beshikka belash va beshikni tuzash, bezatish uchun zarur narsalar (toʻshakcha, koʻrpacha, yostiqcha, qoʻlbogʻ, oyoqbogʻ, tuvak, sumak va shu kabilar) majmui.
- Beshik ketdi [Qozi Qodirqulga:] Beshik ketdi boʻlgandan buyoq har yil rasm-rusmlarini qilishib, yaqin vaqtlarda toʻyligini ham berib qoʻyibdi. — Hamza, Boy ila xizmatchi
- Beshik toʻyi Bolani (asosan toʻngʻich farzandni) beshikka solish munosabati bilan oʻtkaziladigan tantanali marosim. Mullajon qozi beshik toʻyi qilgan. — A. Qahhor, Anor
- Beshigini tebratmoq Yangi tugʻilayotgan narsani ardoqlab, voyaga yetkazmoq. Oʻrtoq Oripov bilimdon injener, mamlakatimizda karbamid ishlab chiqarishni tashkil etish boʻyicha yangi korxona beshigini tebratayot-ganligi bejiz emas. — Gazetadan
- Sen mening beshigimni tebratganmisan? Betakalluf muomalada boʻlgan, oʻzidan kichik kishi ga javoban ishlatiladigan ibora.