беором

сфт. 1. Ҳаловат, ором билмайдиган; бетинч, безовта.

Беором тун.

Туни билан йиғлоқ набирасини овутиб, беором бўлган она, яна ҳаммадан эрта турди. — Газетадан

Гулноз айниқса бу оқшом беором. — Ҳ. Ғулом, Тошкентликлар

Яна бир одам бор, азиздан-азиз, Юраги бедор-у беором тепган. Ҳовлининг бир парча кунгай ерида Келар деб, мен учун ўсмалар эккан. — Ёшлик

2. рвш. Тинимсиз, бетўхтов.

Чайқалади денгиз беором. — Ғайратий

Тун бўйи беором тўқиганим ул — Тивит рўмол эмас, кечир, онажон. — Г. Жўраева, Иқбол