Беҳбудий

1. Маҳмудхўжа Беҳбудий (1875–1919) — драматург, публицист, дин ва жамоат арбоби, жадидчилик ҳаракати етакчиларидан бири.

2. Беҳбудий 18 ёшидан қозихонада мирзалик қилади, қози, муфти даражасига кўтарилади. Беҳбудий ҳаж сафарида бўлган чоғида Арабистон, Миср, Туркияни кезиб чиққан (1899–1900). Саёҳат давомида янги мактаб (усули жадид) очиш фикри мустаҳкамланиб боради. Самарқанд яқинидаги Ҳалвойи қишлоғида Ажзий, Ражабаминда Абдулқодир Шакурийлар билан ҳамкорликда янги мактаб очади.

3. Беҳбудий Қозон ва Уфага бориб (1903–1904), у ердаги янги усул мактаблари билан танишади, татар зиёлилари билан алоқани ёʻлга қўяди. Янги мактаблар учун дарсликлар тузади.