бедор

сфт. 1. Уйқуга кетмаган, ухламаган ҳолатда; уйқусиз, уйғоқ.

Бедор кўзлар. Тунни бедор ўтказмоқ. Бедор тунлар.

Мактабни тугатаётган фарзандининг тунларни бекорга бедор ўтказмаётганлиги кўриниб турарди. — Газетадан

2. кўчма Ҳушёр, сергак.

Бедор чегара соқчилари.

Мен осойиш тунда беғам, беозор, Бахт берган тупроқни сақлайман бедор. — Зулфия

Фарзандлар бошида она чироқдай Оламда танҳо у бедор посбон. — Г. Жўраева, Иқбол