БАЙПАС

Байпас — қувур узаткичнинг баъзи жойларини айланиб ўтказишга мўлжалланган қўшимча параллел, беркитиш ёки мувофиқлаштириш ускуналари ёки асбоблари билан жиҳозланган қисми (масалан, газ ёки суюқлик миқдорини ўлчайдиган асбоблар ўрнатиладиган жойлар). Қувур узаткичнинг асбоб ёки ускуналаридаги носозликни бартараф қилишда технологик жараённи бошқариш учун, технологик жараённи тўхтатмасдан уларни зудлик билан алмаштиришга хизмат қилади.