bay
байbay
ot Savdo muomalalarida, ishga yollash va yollanishda har ikki tomonning oʻzaro kelishuvi.
- Bay ochmoq Birinchi xaridorga mol sotib, savdoni boshlamoq.
- Bay puli Savdoda yoki ishga yollash-yollanishda oʻzaro kelishuvni mustahkamlash maqsadida, toʻlanadigan pulning oldindan beriladigan qismi. Savdogar kulimsiragan holda bay pulini berib joʻnagandan soʻng, savdo ustida hozir boʻlgan Isʼhoq soʻfi oʻzicha barmoqlari bilan hisob yurgizib qaraydi-da, domlaga tomon boshini chayqab kuladi. — A. Qodiriy, Obid ketmonMardonboyga savdo qilib olish, bay puli berish uchun vakolat berib yuborildi. — A. Qodiriy, Obid ketmon
- Bayida shunday Edi Shunday kelishilgan edi.
- Bay qilmoq Savdo qilmoq; kelishmoq. Axir boshda bay qilgan edik-ku, har zamonda bir yolgʻon gapiraman deb. — Gʻ. Gʻulom, Shum bola