бахши

от 1. Халқ қўшиқлари ва достонларини ёддан куйловчи шоир, оқин.

Ўзбек ха/1қ бахшилари. Бахшилар репертуари. Тўйда сўз бер бахшига, Харидор бўл яхшига! — Мақол

Ду-торсиз бахши бўлмас, Ёмонсиз — яхши. — Мақол

Достон ва терма бахшиларнинг репертуарида ёнма-ён яшаб келади. — ЎТА

2. этн. Ирим-сиримлар қилиб, дуолар ўқиб, дам солиб даволовчи табиб.

Жинга ишонган бахшини тинглагунча, Чинга ишонган яхшини тингла. — Мақол

Сотиболдининг хотини оғриб қолди. Бахши ўқиди. Аллақандай бир хотин келиб, толнинг хипчини билан савалади. — А. Қаҳҳор, Бемор

Бахши, кушноч, азайимхонларни йиғиб, ўқитиб-чўқитди, у ҳам бўлмади, дарди зўрайиб кетди. — Баҳром ва Гуландом

3. эск. тар. Бухоро хонлигида қурилиш учун белгиланган маблағларнинг ҳисоб-китобини назорат қилувчи лавозимли киши.

Бухоро хонлигида маъмурий бинолар қуришда маблағ ҳисобини олиб борувчи кишиларни, туркманларда уруғ оқсоқолларини бахши деб аташган. — Ўзме