Baxila

1. Poyabzal ustidan kiyiladigan, koʻproq bir martalik polietilen muhofazalovchi gʻiloflar. B. gigiyena maqsadida poyabzalni nam va ifloslanishdan saqlashga moʻljallangan, shuningdek xonalarda tozalikni saqlashga xizmat qiladi. B. Qoʻllaniladigan materialning qalinligi, sifati va tayyorlanish usuliga koʻra farqlanadi. Eng baland B. jarrohlar uchun tayyorlanadi. Shuningdek, itlar uchun ham B. mavjud. B. itning oyoqlarini qishda sovuqdan, benzindan, mashina moyidan, singan shisha parchalaridan va hokazolardan himoya qiladi. Ushbu B. termoplastik poliuretandan tayyorlanganligi sababli juda yaxshi issiqlik va mexanik xususiyatlarga ega.

2. Juda uzun, qoʻnji sonni yopuvchi yumshoq rezina etik. Botqoqlikda, suvda va shu kabi joylarda yurishga moʻljallangan. Baliqchilar, ovchilar va boshqalar tomonidan ishlatiladi.