barot

ot 1. tar. Podsho tomonidan berilgan ozodlik xati; podshoh, xon tomonidan biror soliq yoki jarimadan ozod etish yoki muayyan vakolatlar, huquqlar berish haqidagi maxsus guvohnoma, yorliq.

Barotda uni oluvchining ismi va mansabi, mazkur barot qanday munosabat bilan berilgani, unga qanday vazifa yuklatilganligi koʻrsatilgan. — OʻzME

2. tar. Biror narsa, chunonchi, unvon olganlik haqidagi yorliq, guvohnoma.

Dil siyohiga berur ul shoh nutqidin barot. To yuzun koʻrmay demam: bergan baroti rost ekan. — Uvaysiy

ot 1. din. Qamariy yil hisobidagi sakkizinchi oy — shaʼbonning 15-kuni: bu kunda Muhammad alayhissalomga paygʻambarlik xabari nozil qilingan.

2. s. t. Qamariy sakkizinchi oy — shaʼbonning xalq orasidagi ikkinchi nomi

Barot oyi.

— Men aytamanki, yoʻq, barot oyida tugʻilgan ekanman, oltmishlarda boʻlsam kerak, — dedi kampir. — Mirmuhsin, Umid

3. Barot (erkaklar ismi).