барот

от 1. тар. Подшо томонидан берилган озодлик хати; подшоҳ, хон томонидан бирор солиқ ёки жаримадан озод этиш ёки муайян ваколатлар, ҳуқуқлар бериш ҳақидаги махсус гувоҳнома, ёрлиқ.

Баротда уни олувчининг исми ва мансаби, мазкур барот қандай муносабат билан берилгани, унга қандай вазифа юклатилганлиги кўрсатилган. — Ўзме

2. тар. Бирор нарса, чунончи, унвон олганлик ҳақидаги ёрлиқ, гувоҳнома.

Дил сиёҳига берур ул шоҳ нутқидин барот. То юзун кўрмай демам: берган бароти рост экан. — Увайсий

от 1. дин. Қамарий йил ҳисобидаги саккизинчи ой — шаъбоннинг 15-куни: бу кунда Муҳаммад алайҳиссаломга пайғамбарлик хабари нозил қилинган.

2. с. т. Қамарий саккизинчи ой — шаъбоннинг халқ орасидаги иккинчи номи

Барот ойи.

— Мен айтаманки, ёʻқ, барот ойида туғилган эканман, олтмишларда бўлсам керак, — деди кампир. — Мирмуҳсин, Умид

3. Барот (эркаклар исми).