баркаш
barkashбаркаш
от 1. Жез ёки мисдан тайёрланадиган ва патнис ўрнида ишлатиладиган, доира ёки тўртбурчак шаклидаги рўзғор асбоби.
Манзурахон оппоқ сочиқ тўшалган баркашда қаҳва кўтариб кирди. — А. Аъзамов, Жавоб.
Қизил белбоғли ёш йигит кириб, дастурхон ёзди, баркашда нон, турли ноз-неъматлар ва уч коса шарбат келтириб қўйди. — М. Осим, Карвон ёʻлларида.
2. кўчма Тўгарак, гардиш, юмалоқ, доирасимон.
Қуёшнинг олтин баркаши. Ой баркаши.
Қип-қизил қуёш баркаши қоялар учларини ҳам қизилга бўяб ботаётир. — М. Маҳмудов. Мангу куй излаб.
Денгиз ўйнар ой баркашин тўп қилиб, Унинг юзи кўринади сепкилли. — Э. Охунова, Мен тонгни уйғотдим.
Ўсиқ киприклари орасидаги чарос кўзлари олов баркаш — қуёшдек жозибали. — А. Муҳиддин, Чап чўнтак.
- Баркаш-баркаш 1. Мўл, жуда кўп. Шунда ўша мўйсафид чиқиб, [бойваччанинг] олдига баркаш-баркаш ноз-неъматлар қўйибди. — Шукрулло, Жавоҳирлар сандиғи;Говмишлар пода-пода, Баркаш-баркаш елинлик. — Миртемир, Асарлар
- Бошини баркаш, елкасини обкаш қилмоқ Бутун борлиғини бахшида қилмоқ. Ахир не-не кўргиликлар билан, бошимни баркаш, елкамни обкаш қилиб вояга етказдим. — С. Сиёев, Райҳон
баркаш
н round dish made of copper or silver which is used instead of tray