bargak

баргак

3 ta lugʻatda uchraydi JSON Shevalarda Barcha qidiruv natijalari

Izohli lugʻat

bargak I

ot Danagi olingan holda quritilgan oʻrik; oʻrikqoqi.

Orif ota choy damlab, patnisga bir hovuch bargak solib keltirdi. — R. Fayziy, Hazrati inson

— Aytganday, Qurbon akani birinchi marta tomga bargak yoyayotganimda koʻrganman, — dedi Mehri opa. — A. Eshonov, Dutor

Oq uy, ola bargak Serhasham, dangʻillama uy haqida. — Nima, begona boʻshay, sen mana shu dashtlikmisan, yo oʻzingga oq uy, ola bargak solgani keldingmi? — deb gʻoʻngʻilladi Xoldor koʻrpa tagidan. — A. Muxtor, Tugʻilish

bargak II

ot Ayollar peshonasiga, koʻksiga taqadigan, oltin yoki kumush tangalardan tuzilgan bargnusxa ziynat buyumi, taqinchoq.

Bobur uning [Oysha begimning] yuziga botinib qaray olmay, koʻk-ragidagi oltin bargaklarga koʻz tashladi. — P. Qodirov, Yulduzli tunlar

Senga tuhfa boʻladurgʻan oltin zirak, bargak, choʻlpi, atir, upalarni uloqtir. — K. Yashin, Hoy qiz

bargak III

ot 1. Tolning erta koʻklamda barg yozib, popuk chiqaradigan surx novdasi.

Bargak taqdi yashil fusunkor Majnuntolning chilvir sochlari. — Sharq yulduzi

Ariq lablaridagi endigina bargak yozayotgan tollarga tabassum bilan qaraysan, charchoqlaring unutiladi. — Oʻ. Umarbekov, Bahor nafasi

Endigina bargak yozgan tolzordan mayin shamol esdi. — Sharq yulduzi

2. Shunday tol novdalaridan sidirib (shilib) olingan poʻstloqdan yasalgan soch-popuk.

Chuchmoma ilmagan qizlar sochiga Bargak ulaganda, esladim seni. — E. Vohidov

Erta bahor, bolalar tomda varvarak uchiradigan, qizlar sochlariga bargak taqadigan vaqt. — Oydin, Sadagʻang boʻlay, komandir

Inglizcha-oʻzbekcha, oʻzbekcha-inglizcha lugʻat

bargak

n dried apricots

Oʻzbekcha-qoraqalpoqcha lugʻat

BARGAK

1. shańgʻalaqsız qaq erik

2. altın, gúmis teńelerden dizilgen hayallar mańlayına taģatuģın bezeniw buyımı

3. taldıń erte báhárdegi japıraq jayģan shaqası

4. sonday tal shaqalarınan islengen shashqa taģatuģın shash pópegi