barg
баргbarg
ot 1. ayn. Yaproq.
Olma bargi. Tok bargi. Tamaki bargi. Barg chiqarmoq.
Mana, bahor kelib, gullar barg yozdi. — Mushtum
Daraxt bargidagi shoda-shoda shudringlar botayotgan quyosh nurida birdan olovlanib ketdi. — Oʻ. Usmonov, Sirli sohil
2. Tut daraxtining ipak qurtiga ozuqa sifatida beriladigan yaprogʻi.
Oʻqishdan chiqib, qurtga barg kesgani boramiz. — A. Qahhor, Qoʻshchinor chiroqlari
Toza barglar solamiz, Qurtimizga yoqsin deb. — Qoʻshiqlar
- Yolgʻon barg Gʻoʻza yolgʻon barg chiqarishi bilan darhol yagana qilinishi shart. — N. Safarov, Hayot maktabi
- Bargi nozik Qovunning navlaridan biri.
- Sen daraxtning shoxida yursang, u bargida yuradi Uning ishbilarmonligi, quvligi, shumligi senikidan oshib tushadi.