Бард

— bard. Qadimgi kelt xalqlarining shoiri, baxshisi. Bardlar poeziyasi eramizdan bir necha yuz yillar ilgari yuzaga kelgan boʻlib, XVIII asrda oʻzining mavqeini yoʻqotgan. Bardlar — knyazlarning saroy shoirlari. Bard boʻluvchi shaxs yuqori shoirlik mahoratini egallash uchun 10—12 yil mobaynida maxsus maktablarda taʼlim olgan. Ingliz shoiri Dj. Makferson (1736—1796) afsonaviy bard — Ossion haqidagi qoʻshiqni nashr ettirgach, bardlar poeziyasi Yevropadagi romantizmning taraqqiyotiga kuchli taʼsir koʻrsatdi. Bard soʻzi XVIII asrda oʻziga xos mazmunni yoʻqotganidan keyin u shoir soʻziga sinonim boʻlib qoldi.