bar
барbar I
ot Ust kiyimning ikki yon etagi.
Bola terga pishib ketgan edi, etak bari bilan yuzidagi terini artib olib, bizga salom berdi. — N. Safarov, Tanlangan asarlar
Tabibiy yaktagining barini bosa-mosa irgʻib turdi. — S. Siyoyev, Yorugʻlik
- Bar urmoq 1) ikki barini belbogʻiga qistirmoq. Ota-bola choponlarining etaklarini bar urib, qazuvga joʻnab ketdilar. — J. Sharipov, XorazmAldar koʻsa etagini bar urib, boynikiga joʻnabdi. — Aldar koʻsa
- Baridan tutqazmaslik Qochib yuradigan, tutqich bermaydigan kimsa yoki narsa haqida; boʻysunmaslik. Choʻl shamoli esadi, Tutqich bermay baridan. — N. NarzullayevBir tomondan, yoshlikning zalvorli qadami, beqiyos koʻrki, u baxsh etgan tuygʻular, boshqa yoqdan esa, shu soʻlim faslning subhidam shamolidek bar tutqazmay oʻtib ketishi haqidagi oʻylar qoʻshilib, shoir koʻnglida hislar ummonini yaratdi. — Yoshlik
bar II
ot Arabcha va forscha-tojikcha soʻzlarga qoʻshilib, biror sifat-belgiga egalikni, davomiylikni, yoʻnalishni ifodalovchi soʻz (sifat)lar yasovchi, ba- qoʻshimchasi bilan deyarli bir xil boʻlgan qoʻshimcha.
Bardavom, barqaror.
bar III
ot 1. Kichik restoran, mayxona.
Yigit-qizlar qoʻnoq tunlar barlarda, Ur-toʻpolon, tintuv chorrahalarda. — E. Oxunova, Men tongni uygʻotdim
2. Turli xil ichimliklar saqlanadigan kichik bufet (yoki servant, javonning bir boʻlmasi, tokchasi).
bar IV
ot Dengizning qirgʻoqqa yaqin qismida yoki daryolarning dengizga quyilish joylarida hosil boʻladigan kambar qum toʻsiq, qumloq; sayozlik.
bar V
ot fiz.mtr. Bosimning MKS birliklar tizimidan tashqari birligi. Meteorologiyada: atmosfera bosimining oʻlchov birligi.