baqiriq

ot 1. Qoʻrqinch, dahshat yoki ogʻriqdan qilinadigan dod-faryod, qichqiriq.

Vahimali baqiriq koʻpga choʻzilmadi, yana jimlik choʻkdi. — S. Yunusov, Kutilmagan xazina

Toʻqayda olov lovullab yonayotgan qamishzor tomonidan baqiriq koʻtarilib qoldi. — Oʻzbekiston qoʻriqlari

2. Xursandchilik, xushchaqchaqlikni ifodalovchi baland ovoz, qiyqiriq, hayqiriq.

Toʻyxonadan yigitlarning baqirigʻi eshitilib turar edi. Ularning [yoshlarning] baqiriq, chaqiriq, qahqahalari uzoq-uzoqlarda aks-sado berdi. — Sharq yulduzi

3. Bor ovoz bilan qilingan dagʻdagʻa, poʻpisa, doʻq.

Kishandagilar zanjirlarini shildiratishar, zindonbonlarning baqirigʻi ularni oʻylatib qoʻydi. — Mirmuhsin, Tungi chaqmoqlar

[U [Toirov] siqiq ostiga olish, doʻq-poʻpisa, baqiriq bilan ishni tashkil etish mumkin, deb oʻylaydi. — Gazetadan

Ilgariroq bu aql-u farosat qayda edi, achchigʻ-u tizziq, baqiriqlar, oʻqilmagan nikohga taloq aytishlar. — M. M. Doʻst, Lolazor

n cry, shout, yell, scream, peremptory shout, shouting, yelling

Anruf m, Zuruf m, Schrei m, Ruf m