банги

от 1. Наша чекишга одатланган шахс; нашаванд.

Мулла паловга ўч, банги — оловга. — Мақол

Оқсоч ҳам, отбоқар ҳам аллақачон донг қотиб ухлаб ётишибди. Бири кар, бири банги. — К. Яшин, Ҳамза

Ана, банги тўра юмшоқ курсида, афюннинг кайфини суриб, кўзлари сузилиб ўтирибди. — С. Сиёев, Аваз

2. кўчма фолк. Наша.

Шерободда мен кўрдим Банги чеккан бангини. — Нурали

3. Умуман наша, кўкнори, қорадори ва шу кабиларга ўрганган, гиёҳванд шахс, шунингдек, унинг лақаби.

Мирвали бангининг кўмагида аравадан замбилғалтакни тушириб оладилар. — А. Қодирий, Ғирвонлик Маллавой