balqimoq

fl. 1. Yorqin nur sochib jilva qilmoq; nurga toʻlmoq, yarqiramoq.

Dala sutdek oydin, Nur qoʻynida balqib yotardi. — E. Raimov, Ajab qishloq

Quloch yoydi atroflar, Ufq balqidi. — A. Muxtor, Asarlar

Quchogʻida nur koʻtarib balqimoqda tong. — A. Muxtor, Asarlar

2. koʻchma Gullab yashnamoq, gul-gul yashnamoq, ravnaq topmoq.

Saodat oyday balqib, yoʻlakda paydo boʻladi. — Yoshlik

Goʻroʻgʻlibek Hasanxonga qarasa, oyday balqib turibdi. Gulnorpari. Shodlik bilan toʻlsin toʻr-tala ufq, Kulgi bilan balqsin bu qadim jahon. — A. Oripov

3. Barq urib koʻrinmoq, namoyon boʻlmoq.

Komiljonning singlisi Shohida choʻzinchoq yuzli, koʻzlaridan samimiyat balqib turadigan oʻn sakkiz yoshlardagi soʻzamol qiz edi. — D. Nuriy, Osmon ustuni

Sulton quvonch porlagan, mehr balqigan koʻzlari bilan Gul-chehrani kuzatar, iliq boqardi. — M. Xayrullayev, Hikoyalar

4. koʻchma Roʻyobga chiqmoq, amalga oshmoq, namoyon boʻlmoq.

— Yoʻq, otajon! — dedi Shermat, — tinchlikni, hurriyatni, haqiqat oftobining balqib chiqqanini siz ham koʻra-siz! — Oybek, Ulugʻ yoʻl

Ey zamin, boʻshashma, dadil boʻl, balqi. Gazetadan. Osmon degan nima-yu quyosh degan nimadir? Barchasidan ustunsan, oʻzing yasha, oʻzing balq! — Gʻ. Gʻulom

5. koʻchma Oʻziga maftun, rom qilmoq; boʻshashtirib yubormoq.

Oydayin barq urar aning jamoli, Odamni balqitar tegsa shamoli, Boysarining shunday qizi bor ekan. — Alpomish

6. Yumshoq, mayin holatga kelmoq; boʻshashmoq, koʻpchimoq.

Hovli xamirday balqigan, undan yengil bugʻ koʻtariladi. — Oybek, Tanlangan asarlar

Badanlari mumdayin balqib ketdi. — Oysuluv

yerlar qoʻrgʻoshinday balqib ketgan. — Yusuf va Ahmad

Yorqin nur sochib jilva qilmoq; yarqiramoq, porlamoq.PARLAMAK

v shine (of the moon, sun, lamp), blossom (of flowers)

1. jarqıraw, parlaw

2. gúllew, gúllep jasnaw

3. kóriniw

4. balqıw, kópshiw

glänzen vi, strahlen vi, blitzen vi, funkeln vi