баҳр

от 1. Денгиз; океан.

Бепоён олам, баҳри муҳитлар, ўзи кўрмаган маҳобатли тоғлар, дунё мамлакатлари, номаълум қитъалар. — С. Сиёев, Аваз

Бир ёнингда эса Севандай баҳр, Мисоли булутлар ичида қамар. — А. Орипов

2. кўчма Олам, дунё; бойлик.

Терди санъат баҳрининг қимматбаҳо инжусидан. — Ҳабибий

3. кўчма Туғён, тўфон.

Булоқларда қайнади ғазабнинг баҳри, Қотилларни совурди ўлканинг қаҳри. — М. Шайхзода, Чорак аср девони

4. кўчма Меҳр; ишқ-муҳаббат доми.

Йигитлар талтаяр қизлар баҳрига. — Гулнорпари

Булбул сайрар тоза гулнинг баҳрига. — Ойсулув

Мен тушувдим Нигоройнинг баҳрига, Шунинг-чун борувдим сиз хон шаҳрига. — Нигор ва Замон